მაიკლ ოლისე ჩემპიონთა ლიგის კვირის საუკეთესო მოთამაშედ დასახელდა.
24 წლის ფეხბურთელი ალიანს არენაზე გამართულ მეოთხედფინალის საპასუხო შეხვედრაში მუდმივად საფრთხეს ქმნიდა. მას რამდენიმე ხელსაყრელი მომენტი ჰქონდა, მატჩის მიწურულს კი ფანტასტიური დარტყმით ბავარიელებს ნახევარფინალის საგზური მოუპოვა.
ეს გოლი და აღიარება კრისტალ პალასის ყოფილი მოთამაშისთვის შთამბეჭდავი სეზონის გაგრძელებაა. ვინსენტ კომპანის გუნდში მას უკვე 18 გოლი და წარმოუდგენელი 29 საგოლე გადაცემა დაუგროვდა.
ოლისეს მთავარი კონკურენტი უსმან დემბელე იყო, რომელმაც ენფილდზე პსჟ-ს მაისურით დუბლი შეასრულა. სავარაუდოა, რომ ეს ორი ფეხბურთელი კილიან მბაპესთან ერთად მსოფლიო ჩემპიონატზე საფრანგეთის ნაკრების ვარსკვლავურ შეტევას ჩაუდგება სათავეში.
მანამდე კი, მას შემდეგ რაც საკუთარი ნაკრების კაპიტანი ტურნირს მიღმა დატოვა, ოლისე ეცდება ოქროს ბურთის მფლობელიც გამოთიშოს ასპარეზობას - ნახევარფინალში ბაიერნი მოქმედ ჩემპიონს დაუპირისპირდება.
