უეფამ ჩემპიონთა ლიგის მეოთხედფინალის საპასუხო მატჩების 11 საუკეთესო ფეხბურთელი დაასახელა. სიმბოლურ გუნდში შვიდი სხვადასხვა კლუბის წარმომადგენელი მოხვდა:
ხუან მუსო, ატლეტიკო
მისი სეივები გადამწყვეტი აღმოჩნდა ბარსელონას სწრაფი შეტევების მოსაგერიებლად, რამაც ატლეტიკოს გამარჯვებას ჩაუყარა საფუძველი.
ედუარდო კვარეშმა, სპორტინგი
იგი არსენალთან უგოლო ფრეში მტკიცედ იდგა დაცვაში. მოიგო ყველა ორთაბრძოლა და ცხრაჯერ განმუხტა სიტუაცია საკუთარ საჯარიმოში.
დაიო უპამეკანო, ბაიერნი
დომინირებდა ორთაბრძოლებში და ბრწყინვალედ კეტავდა ზონებს ბაიერნის საჯარიმოსთან. ამასთან, მან 10 გამჭოლი გადაცემა შეასრულა.
მარკინიოსი, პსჟ
პარიზელთა კაპიტანმა ენფილდზე დაცვას შესანიშნავად უხელმძღვანელა. განსაკუთრებით დასამახსოვრებელი იყო მისი ბლოკი, რომლითაც ვირჯილ ვან დაიკს გოლის გატანის საშუალება არ მისცა.
მარკოს ლიორენტე, ატლეტიკო
ამ კვირაში მან ყველაზე მეტი (7) ვარდნა შეასრულა, საიდანაც 5 წარმატებული გამოდგა. გარდა დაცვითი ფუნქციებისა, მან საგოლე გადაცემაც ჩაიწერა ადემოლა ლუკმანის გოლისას.
ჯოშუა კიმიხი, ბაიერნი
მან მეტოქის ნახევარზე ყველაზე მეტი გადაცემა გააკეთა. ჯოშუამ ოთხი საგოლე შანსი შექმნა, მათ შორის ალექსანდარ პავლოვიჩის გოლი მისი მოწოდებული კუთხურით გავიდა.
მარტინ სუბიმენდი, არსენალი
არსენალის ნახევარდაცვაში სიმშვიდე და კონტროლი შეიტანა. მან საკუთარ ნახევარზე ყველა (25) გადაცემა ზუსტად შეასრულა და შეტევაშიც გამჭოლი პასებით გამოირჩეოდა.
არდა გიულერი, რეალ მადრიდი
რეალის მცდელობას, გადაერჩინა თამაში ბაიერნთან, სწორედ მან მისცა სათავე. თურქმა ორი გოლი გაიტანა შორი მანძილიდან, მათ შორის ერთი საუცხოო საჯარიმო დარტყმით.
მაიკლ ოლისე, ბაიერნი
მატჩის ბოლო აკორდი სწორედ მისი გოლი იყო, რომელმაც ბაიერნის ნახევარფინალში გასვლა დაადასტურა. მთელი შეხვედრის განმავლობაში ის მარჯვენა ფლანგიდან მუდმივ საფრთხეს ქმნიდა.
ფერან ტორესი, ბარსელონა
მეტროპოლიტანოზე გამართულ მატჩში ჯერ ლამინ იამალს გაატანინა, შემდეგ კი თავად გაიტანა გამარჯვების გოლი.
უსმან დემბელე, პსჟ
მისი უმაღლესი კლასის დაგვირგვინება გადამწყვეტი აღმოჩნდა ენფილდზე. დემბელეს დუბლმა პარიზელებს საპასუხო მატჩში გამარჯვება მოუტანა.
