ვინ შეცვლის კვარაცხელიას? ილია ბერიაშვილის მოსაზრება და მოლოდინები

მტკ ბუდაპეშტის ქართველმა ფეხბურთელმა, ილია ბერიაშვილმა M4Sport-თან ინტერვიუში საქართველოსა და უნგრეთის ნაკრებების მომავალ მატჩზე ისაუბრა.

მისი თქმით, საშინაო კედლებში გამარჯვება აუცილებელია, რადგან ეს მოგება ქართველ გულშემატკივარსა და ერს სჭირდება.

ქართველ ხალხს სჭირდება გამარჯვება, რადგან ისინი ფეხბურთს მხოლოდ სიყვარულის გამო არ უყურებენ - ეს ჩვენი კულტურის ნაწილია

ფეხბურთელმა განსაკუთრებული ყურადღება ხვიჩა კვარაცხელიას ტრავმასა და მის დანაკლისზე გაამახვილა. მან კვარას მალე გამოჯანმრთელება უსურვა და აღნიშნა, რომ მისი შეცვლა ურთულესი იქნება, რადგან ხვიჩა ბევრ მომენტს ქმნის და გოლები გააქვს. შემცვლელებთან დაკავშირებით ბერიაშვილმა განაცხადა:

ვერ ვიტყვი, ხვიჩა კვარაცხელიას ვინ ჩაანაცვლებს, რადგან მის პოზიციაზე ორი-სამი კარგი ფეხბურთელი გვყავს. ერთ-ერთი მათგანი გიორგი კვერნაძეა, რომელიც სერია A-ში თამაშობს და 12 შეხვედრაში 11 საგოლე მოქმედება აქვს

ილია ბერიაშვილის აზრით, გამარჯვება მარტივი არ იქნება, თუმცა ახალი მწვრთნელისა და გუნდში "ახალი სისხლის" პირობებში, მოთამაშეებს დიდი მოტივაცია ექნებათ.

მჟამად ერთა ლიგის B ლიგის მეორე ჯგუფში სატურნირო მდგომარეობა შემდეგნაირია: ჩრდილოეთ ირლანდია 8 ქულით პირველზეა, უნგრეთი 7 ქულით მეორეა, უკრაინა 4 ქულით მესამე. საქართველოს ნაკრებს ჯერჯერობით გოლი არ გაუტანია და არც გამარჯვება მოუპოვებია; ოთხ მატჩში 2 ქულით ბოლო პოზიციაზე იმყოფება. მატჩი 14 ნოემბერს გაიმართება.