რა შანსები აქვს საქართველოს ერთა ლიგაზე?

2026/27 წლების სეზონის ერთა ლიგა საქართველოს ნაკრებისთვის ჯერჯერობით წარუმატებელი გამოდგა, თუმცა წინ კიდევ ორი მატჩია და სავსებით შესაძლებელია სიტუაცია ჩვენს სასიკეთოდ შეიცვალოს. დღევანდელ ბლოგში ერთა ლიგაზე რამაზ სვანაძის გუნდის შანსებს შევაფასებთ.

ოთხი ტურის შემდეგ B ლიგის მეორე ჯგუფში ასეთი მდგომარეობაა 

მეხუთე და მეექვსე ტურში კი შემდეგი მატჩები გაიმართება

14 ნოემბერი

საქართველო v უნგრეთი

ჩრდილოეთ ირლანდია v უკრაინა

17 ნოემბერი

უკრაინა v საქართველო

უნგრეთი v ჩრდილოეთ ირლანდია

საქართველოს ჯგუფში პირველი ადგილის დაკავების თეორიული შანსიც არ აქვს - რადგან ჩრდილოეთ ირლანდიას უკვე აქვს 8 ქულა, რომელიც პოტენციურად საქართველოს მაქსიმუმია, თანაბარი ქულების შემთხვევაში კი უპირატესობა ურთიერთ შეხვედრებს ენიჭება, რაშიც ბრიტანელებს აქვთ უპირატესობა. 

თბილისში ჩრდილოეთ ირლანდიამ 0:1 გვძლია, ხოლო ბელფასტში გამართული შეხვედრა ფრედ 0:0 დასრულდა.

თუმცა მეორე ადგილზე გასვლისა და A ლიგაში გადასასვლელ პლეი-ოფში მოხვედრის შანსი კიდევ არსებობს - საქართველომ ორივე მატჩი უნდა მოიგოს და 8 ქულა დააგროვოს. შემდეგ მატჩში უნგრეთმა შინ ჩრდილოეთ ირლანდიასთან ვერ მოიგოს - წაგების შემთხვევაში უნგრეთს ქულებით ვაჯობებთ, ფრის შემთხვევაში კი ურთიერთშეხვედრები გადაწყვეტს. ამ ასპექტშიც თანაფარდობის შემთხვევაში, ჯერი ბურთების სხვაობაზე მიდგება.

საქართველოს ორივე მატჩის მოგების შემთხვევაში, ჩვენ ჩრდილოეთ ირლანდიისა და უკრაინისა მატჩის შედეგზე დამოკიდებული აღარ ვიქნებით, რადგან იმ შემთხვევაშიც თუ უკრაინა გასვლაზე ბრიტანელებს დაამარცხებს, ჩვენთან მარცხის შემთხვევაში 7 ქულით დარჩება და 8 ქულიანი საქართველო გადაასწრებს.

ჩვენთვის საოცნებო სცენარის, რომლის მიხედვითაც რამაზ სვანაძის გუნდი მეორე ადგილს იკავებს და A ლიგაში გადასასვლელ პლეი-ოფში თამაშობს, მოხდენის შანსს, ხელოვნური ინტელექტი 5-დან 7%-იანი ალბათობით აფასებს. დაახლოებით 30%-იანი შანსით ფასდება ნაკრების მესამე ადგილზე გასვლა, რაც საქართველოს B ლიგაში დარჩენას უზრუნველყოფს. ამისთვის შესაძლოა ნაკრებს ორიდან ერთი მატჩის მოგებაც ეყოს - მაგრამ ამ შემთხვევაში უკრაინამ ჩრდილოეთ ირლანდიასთან უნდა წააგოს, ხოლო ჩვენთან მინიმუმ ფრეს დასჯერდეს. 

შესაძლოა ეს სცენარი უნგრეთთან მარცხისა ან ფრის და უკრაინასთან მოგების შემთხვევაშიც განმეორდეს, თუმცა უკრაინამ ამ შემთხვევეაშიც ვერ რუნდა მოუგოს ჩრდილოეთ ირლანდიას. 

სამწუხაროდ, პროცენტულად ყველაზე დიდი შანსი საქართველოს ნაკრების მეოთხე პოზიციაზე დარჩენას აქვს, რაც რამაზ სვანაძის გუნდის დასარჩენ-დასაქვაითებელ პლეი-ოფში თამაშს ნიშნავს, თუმცა ფეხბურთი მოულოდნელობების სპორტია და სასწაულები საქართველოს ნაკრებისგანაც გვახსოვს.