ვინ შეცვლის მოურინიოს? ორი ვარიანტი გამოიკვეთა

ცნობილი გახდა, ვინ შეიძლება შეცვალოს ჟოზე მოურინიო ბენფიკას მთავარი მწვრთნელის პოსტზე.

ეს თანამდებობა შესაძლოა ჟოზე მოურინიოსგან რუბენ ამორიმმა გადაიბაროს.

როგორც იცით, მოურინიო ახლოს არის მადრიდის რეალში დანიშვნასთან - მეტიც, მისი დაბრუნება შეთანხმებულია, თუმცა მხოლოდ მას შემდეგ დადასტურდება, რაც ფლორენტინო პერესი რეალის პრეზიდენტად დარჩება.

პერესის პირველი კონკურენტი გამოჩნდა? რა აჭიანურებს ჟოზეს გაოფიციალურებას

Sky Sports-ის ინფორმაციით, მოურინიოს წასვლის შემდეგ პორტუგალიური კლუბი მარკუ სილვას ან რუბენ ამორიმის დანიშვნას შეეცდება.

ამორიმის ბოლო სამუშაო ადგილი მანჩესტერ იუნაიტედი იყო, რომელსაც ის 2024 წლის ნოემბრიდან 2026 წლის იანვრამდე ხელმძღვანელობდა. სილვა კი ფულემში 2021 წლიდან მუშაობს.