როგორც იცით, ლეო მესი არგენტინის ნაკრებს დაემშვიდობა.
მესის წასვლამ გააჩინა კითხვები, თუ ვინ აიღებს ნაკრებში ლეგენდარულ 10-ნომრიან მაისურს, რომლითაც მესის გარდა დიეგო არმანდო მარადონაც თამაშობდა.
გამომდინარე იქიდან, რომ ნაკრებში ნომრის ხმარეიდან ამოღება ფიფას რეგლამენტით ნებადართული არ არის, ვინმეს მაინც მოუწევს ამ ლეგენდარული ნომრის ტარების ტვირთის საკუთარ თავზე აღება.
როგორც ESPN Argentina იტყობინება, ნაკრებში 10-ნომრიან მაისურს კომოს შემტევი ნახევარმცველი, ნიკო პასი მოირგებს.
ოღონდ, ეს მხოლოდ იმ შემთხვევაში მოხდება, თუ ნაკრების მთავარ მწვრთნელად ლიონელ სკალონი დარჩება და კონტრაქტს გაახანგრძლივებს, რომელიც მიმდინარე წლის ბოლოს ეწურება.
ხოლო თუ სკალონი წასვლას გადაწყვეტს, მაშინ 10-ნომრიანი მაისურის ბედსაც ახალი მთავარი მწვრთნელი გადაწყვეტს.
