მბაპეს, მესის და ჰოლანდის რეკორდები დაემხო - იამალი ისტორიას წერს

ლამინ იამალმა რაიო ვალეკანოსთან 5:2 მოგებულ მატჩში დუბლი შეასრულა და ბარსელონას მაისურით თავისი 51-ე გოლი გაიტანა.

შედეგად, 19 წლის ესპანელი ევროპის ტოპ 5 ლიგის ისტორიაში ყველაზე ახალგაზრდა მოთამაშე გახდა, რომელმაც 50-გოლიან ნიშნულს მიაღწია.

ვის აჯობა ესპანელმა ვუნდერკინდმა?

კილიან მბაპე: ფრანგმა ვარსკვლავმა 50-ე გოლი 19 წლისა და 241 დღის ასაკში გაიტანა (იამალმა ეს 19 წლისა და 49 დღის ასაკში შეძლო).

ერლინგ ჰოლანდი: ნორვეგიელმა ბომბარდირმა 50 გოლის ნიშნულს 20 წლისა და 196 დღის ასაკში მიაღწია.

ლიონელ მესი: არგენტინელმა ლეგენდამ 50 გოლი 21 წლის ასაკში შეაგროვა.

სიმბოლურია, რომ მესის სანაკრებო კარიერის დასრულების განცხადებიდან მალევე, იამალმა პირველი გოლი სწორედ არგენტინელის სტილში გაიტანა. 15 წლის ასაკში დებიუტის შემდეგ, ესპანელი უკვე მსოფლიოსა და ევროპის ჩემპიონია და თანამედროვე ფეხბურთში სრულიად ახალ სტანდარტს ამკვიდრებს.