ფლიკი მესიზე: „ვწუხვარ, მაგრამ ესაა ცხოვრება"

ბარსელონას მთავარმა მწვრთნელმა, ჰანსი ფლიკმა ლიონელ მესის მიერ სანაკრებო კარიერის დასრულების გადაწყვეტილებაზე კომენტარი გააკეთა.

ინტერ მაიამის 39 წლის თავდამსხმელმა არგენტინის ეროვნულ ნაკრებში კარიერის დასრულება გამოაცხადა, რომლის ღირსებასაც 2005 წლიდან იცავდა.

მესიმ სანაკრებო კარიერა დაასრულა - რა ელის ინტერ მაიამიში?

„ის მსოფლიოს საუკეთესო ფეხბურთელია. უბრალოდ წარმოუდგენელია. 2026 წლის მსოფლიო ჩემპიონატზე მისი თამაშით დიდი სიამოვნება მივიღე - ბრწყინვალედ და ფანტასტიკურად ითამაშა.

ერთის მხრივ, გული მწყდება, მაგრამ ეს ცხოვრებაა, დრო გადის. მას საოცარი კარიერა ჰქონდა, ის საუკეთესოა და ეს მსოფლიო ჩემპიონატზეც დაამტკიცა“, - განაცხადა ფლიკმა ლა ლიგის მე-3 ტურში რაიო ვალიეკანოსთან (5:2) გამართულ მატჩამდე.