უეფამ ჩემპიონთა ლიგის 2024/25 წლების სეზონში მონაწილე კლუბებისთვის გადახდილი საპრიზო თანხის ოდენობა გამოაქვეყნა.
ტურნირის გამარჯვებულმა პსჟ-მ ყველაზე დიდი თანხა მიიღო — პარიზულ კლუბს 144,4 მილიონი ევრო ჩაერიცხა.
ფინალისტმა ინტერმა 136,6 მილიონი ევრო მიიღო, არსენალმა — 116,9 მილიონი, ბარსელონამ — 116,5 მილიონი, ბაიერნმა — 105,8 მილიონი, დორტმუნდის ბორუსიამ — 102,1 მილიონი, ხოლო მადრიდის რეალმა — 102 მილიონი ევრო.
დანარჩენ კლუბებს ჩემპიონთა ლიგის გასული სეზონის ფარგლებში 100 მილიონ ევროზე ნაკლები პრიზი შეხვდათ.
გასული სეზონის ფინალში პსჟ-მ მილანის ინტერი 5:0 გაანადგურა.
