ნაპოლი გაბრიელ ჟესუსის შეძენით არის დაინტერესებული.
არსენალი 29 წლის თავდამსხმელის სანაცვლოდ მინიმუმ 20 მილიონ ევროს ითხოვს.
მიუხედავად იმისა, რომ ჟესუსს არსენალის მიმართ დიდი სიყვარული აკავშირებს და პრემიერ ლიგაში მნიშვნელოვანი რეკორდების დამყარება სურს (მაგალითად, რობერტო ფირმინოსთვის გადასწრება ბრაზილიელ ბომბარდირთა შორის და ედერსონის ტიტულების რეკორდთან მიახლოება), ფეხბურთელი ნაპოლის ვარიანტს დადებითად განიხილავს.
გაბრიელის სერია ა-ში გადასვლის მთავარი მოტივაცია ისაა, რომ მეტი სათამაშო დრო სჭირდება, რადგან გასულ სეზონში 27 მატჩიდან ძირითად შემადგენლობაში მხოლოდ 9-ჯერ ითამაშა.
ჟესუსს ინგლისის პრემიერ ლიგაში 79 გოლი აქვს გატანილი და რობერტო ფირმინოსთვის გადასწრებამდე მხოლოდ 3 გოლი აკლია.
თავდამსხმელს პრემიერ ლიგა ხუთჯერ აქვს მოგებული (ოთხჯერ მანჩესტერ სიტისთან და ერთხელ არსენალთან ერთად) და ედერსონის რეკორდის გასამეორებლად ერთი ტიტული სჭირდება.
