ზურიკოს გუნდმა სტუმრად მოიგო და ბოლო ტურის წინ შანსებს ინარჩუნებს

ლიგა 1-ს ბოლოს წინა ტურში ზურიკო დავითაშვილის სენტ-ეტიენმა სტუმრად რეიმსი 2:0 დაამარცხა და 30 ქულა დააგროვა.

ზურიკომ მოედანზე 84 წუთი გაატარა და SofaScore-სგან 6.4 შეფასება მიიღო.

პარალელურად მიმდინარე მატჩში ლე ავრს რომ საკუთარ მოედანზე მარსელთან მოეგო, სენტ-ეტიენი ოფიციალურად ლიგა 2-ში დაქვეითდებოდა, თუმცა მარსელმა სტუმრად 3:1 იმარჯვა, რამაც დავითაშვილის გუნდს გადარჩენის შანსები შეუნარჩუნა.

ბოლო ტურში სენტ-ეტიენმა შინ ტულუზას უნდა მოუგოს, ლე ავრმა კი გასვლაზე სტრასბურგთან ქულები დაკარგოს, ასეთ შემთხვევაში ზურიკო დავითაშვილის გუნდი ჩემპიონატში დასარჩენ პლეიოფში გაინაღდებს მონაწილეობას.

სხვა ნებისმიერი შედეგი - სენტ ეტიენის ფრე, მარცხი ან თუნდაც ლე ავრის გამარჯვება და გუნდი ოფიციალურად დაქვეითდება.