FIBA-ს ოფიციალურმა გვერდმა იმ 10 მოთამაშის სია გამოაქვეყნა, რომელთათვისაც ევრობასკეტ 2025 შესაძლოა ბოლო სანაკრებო ტურნირი იყოს.
სტატიაში მოხვდა გიორგი შერმადინის სახელიც, რომელიც ევროპის ჩემპიონატის შემდეგ საქართველოს ნაკრებს დაემშვიდობება.
"გიორგი შერმადინი საქართველოს ნაკრებთან ერთად პირველი დღიდან არის. მას შემდეგ, რაც ქვეყანამ პირველად იასპარეზა ევრობასკეტზეზე 2011 წელს, ნაკრებს ერთგულად მიუძღვნა თავი და არცერთი შანსი არ გაუშვია, რომ საკუთარი ქვეყანა წარმოედგინა.
2023 წელს, როდესაც საქართველომ თითქოს შეუძლებელი გააკეთა - ისლანდიასთან მხოლოდ ერთი ქულით წააგო, მაგრამ მაინც მოიპოვა მსოფლიო ჩემპიონატის საგზური - იქაც იყო. სეზონის განმავლობაშიც და არდადეგების დროსაც, ყოველთვის იქ იყო.
ნომერი 9 სამუდამოდ დარჩება, როგორც ერთ-ერთი ყველაზე გამორჩეული სახე ქართული კალათბურთის ოქროს ეპოქაში.
„ეს იქნება ჩემი ბოლო თამაშები საქართველოს ნაკრების მაისურით,“ — განაცხადა ტენერიფეს ცენტრმა ივლისში." - წერს FIBA.
სტატიაში ასევე დასახელებულია შემდეგი მოთამაშეები:
ნიკოლა ვუჩევიჩი (მონტენეგრო)
დანილო გალინარი (იტალია)
სასუ სალინი (ფინეთი)
კოსტას სლუკასი (საბერძნეთი)
კოსტას პაპანიკოლაუ (საბერძნეთი)
დაირის ბერტანსი (ლატვია)
იონას ვალანჩუნასი (ლიეტუვა)
დანიელ ტეისი (გერმანია)
ნიკოლო მელი (იტალია)
