იტალიურმა საფეხბურთო პორტალმა, Football-Italia-მ სერია A-ს ისტორიაში იანვრის სატრანსფერო ფანჯრის 10 ყველაზე ძვირადღირებული გარიგება დაასახელა.
განვმარტოთ, რომ საუბარია ისეთ ტრანსფერებზე, რომლებშიც გამყიდველი იტალიური კლუბია.
ტოპ 10-ის თავში მყოფ ორ მთავარ გარიგებას, დანარჩენებთან შედარებით, დიდი უპირატესობა აქვთ - მათგან ერთ-ერთი ხვიჩა კვარაცხელიას პსჟ-ში გადასვლაა. ჯამში, ათეული ასე გამოიყურება:
10. კშიშტოფ პიონტეკი - მილანიდან ჰერტაში - 24 მლნ ევრო;
9. ელიფ ელმასი - ნაპოლიდან ლაიპციგში - 24 მლნ ევრო;
8. რადუ დრაგუშინი - ჯენოადან ტოტენჰემში - 25 მლნ ევრო;
7. ნიკოლო როველა - ჯენოადან იუვენტუსში - 26 მლნ ევრო;
6. პატრიკ დორგუ - ლეჩედან მანჩესტერ იუნაიტედში - 30 მლნ ევრო;
5. ხუან კვადრადო - ფიორენტინადან ჩელსიში - 31 მლნ ევრო;
4. კშიშტოფ პიონტეკი - ჯენოადან მილანში - 35 მლნ ევრო;
3. დეიან კულუსევსკი - ატალანტადან იუვენტუსში - 39 მლნ ევრო;
2. ხვიჩა კვარაცხელია - ნაპოლიდან პსჟ-ში - 70 მლნ ევრო;
1. დუშან ვლაჰოვიჩი - ფიორენტინადან იუვენტუსში - 83.5 მლნ ევრო.
სერია A-ს ისტორიაში უძვირესი გასხვისება ინტერს ეკუთვნის - 2021 წელს, რომელუ ლუკაკუ ჩელსის 113 მლნ ევროდ მიჰყიდეს, მეორე ადგილზე პოლ პოგბას იუვენტუსიდან მანჩესტერ იუნაიტედში 105 მლნ ევროდ გადასვლაა, ხოლო მესამე პოზიციაზე ნაპოლიდან იუვენტუსში გონსალო იგუაინის 90-მილიონიანი ტრანსფერი.
