1000 წუთზე მეტი - კუნდე არ ისვენებს

ჟულ კუნდეს მიმდინარე სეზონში უკვე 1000 წუთზე მეტი აქვს ნათამაშები და ჯერ კიდევ ოქტომბრის დასაწყისია.

ფრანგმა ფეხბურთელმა ბარსელონას ათივე ოფიციალური მატჩი სრულად ჩაატარა, რაც 900 წუთს ნიშნავს და ასევე საფრანგეთის ეროვნული გუნდის ორივე მატჩში დააგროვა 100 წუთზე მეტი.

რამდენიმე დღის წინ ჟურნალისტმა კუნდეს შესაძლო დასვენებაზე ჰანსი ფლიკსაც ჰკითხა.

"თქვენ უთხარით, რომ დაისვენოს. ეს დაუჯერებელია. ასეთი შემთხვევა აქამდე არ მქონია. მატჩის შემდეგ მას სურს, რომ ივარჯიშოს. კარგია, რომ მას განვითარება სურს. ეს ფანტასტიკურია. ასეთი მიდგომა ნორმალური არ არის, მაგრამ ეს კარგია." - განაცხადა ბარსელონას მთავარმა მწვრთნელმა.

კუნდეს ანგარიშზე მიმდინარე სეზონში ბარსელონას შემადგენლობაში 1 გოლიც არის, რომელიც მან ლა ლიგაში ვალიადოლიდს გაუტანა.