პოლონეთის დედაქალაქ ვარშავაში გამართულ კლასიკური წოლჭიმის მსოფლიო ჩემპიონატზე, ქართველმა სპორტსმენებმა 12 მედალი მოიპოვეს.
სოფიკო კვანჭიანმა (63 კგ.) 120 კგ. დააფიქსირა და ამ სახეობაში პირველი ქართველი მსოფლიო ჩემპიონი ქალია, მარი ბეგლარიშვილმა კი 77.5 კგ. დასძლია და ვერცხლის მედალს დაეუფლა. ასევე ვერცხლის მედალი მოიგო ნინი მარუაშვილმა (52 კგ.), ხოლო სალომე მამისაშვილი (69 კგ.) ბრინჯაოს პრიზიორი გახდა.
გოდერძი ქარცივაძემ (74 კგ.) 181 კგ. დასძლია, ოქროს მედალი მოიპოვა და მსოფლიო რეკორდიც დაამყარა. ჯაბა სეფიაშვილი (59 კგ.), საბა გოგიჩაიშვილი (66 კგ.), თორნიკე მარტაშვილი (-120 კგ.) და მერაბ სამხარაძე (+120 კგ.) მსოფლიოს ვიცე-ჩემპიონები გახდნენ და ვერცხლის მედალი მოიგეს.
ახალგაზრდა მამაკაცების კატეგორიაში, გიორგი გელაშვილი (59 კგ.) და ალეკო სიდანოვი (66 კგ.) ჩემპიონები გახდნენ, ხოლო ანდრია მიქაუტაძე (53 კგ.) ბრინჯაოს მედალს დაეუფლა.
4 ოქროს, 6 ვერცხლისა და 2 ბრინჯაოს მედალი - საქართველოს ნაკრებმა ტურნირზე გამოსვლა ასეთი შედეგით დაასრულა.
