"გვინდა, ეს მატჩი ისეთი იყოს, როგორიც გურამს ეკადრება" - კიტეიშვილი შეკრებიდან
1 სთ წინ · 0 წთ წასაკითხად
-
Aa
+
ფონტის ზომა
საქართველოს ეროვნული გუნდი რუმინეთთან და ბაჰრეინთან გასამართი ამხანაგური მატჩებისთვის მზადებას აგრძელებს. შეკრებიდან კომენტარი ნაკრების ვიცე-კაპიტანმა, ოთარ კიტეიშვილმა გააკეთა.
"ცოტა განსხვავებული ხასიათის შეკრებაა. ადრე შევიკრიბეთ და შედარებით მეტი დრო გვაქვს მოსამზადებლად. მნიშვნელოვანია ასევე იმ მხრივ, რომ გურამ კაშიას ბოლო თამაშია და ყველას გვინდა, ეს მატჩი ისე ჩატარდეს, როგორც მას შეეფერება.
რთული მატჩისთვის ვემზადებით. ვიცით, რომ რუმინეთი ძლიერი გუნდია. მათ ბევრი კარგი შეხვედრა ჩაატარეს, მათ შორის საკვალიფიკაციო ეტაპის პლეი-ოფშიც ითამაშეს. ამ მატჩის მოსაგებად ჩვენი შესაძლებლობების მაქსიმუმი უნდა წარმოვაჩინოთ", - აღნიშნა კიტეიშვილმა, რომელსაც ნაკრების მაისურით ჩატარებულ 52 მატჩში 4 გოლი და 9 ასისტი აქვს.
ზაფხულის სანაკრებო პაუზის ფარგლებში, ჩვენი გუნდი 2 ივნისს რუმინეთის წინააღმდეგ ითამაშებს, ხოლო 5 რიცხვში ბაჰრეინს შეხვდება. ორივე შეხვედრა მიხეილ მესხის სახელობის სტადიონზეა.
