ნიკოლოზ ბასილაშვილმა მადრიდის მასტერსის საკვალიფიკაციო ეტაპი წარმატებით დასძლია და ძირითად ბადეში ითამაშებს.
ქართველმა ჩოგბურთელმა, შესარჩევის პირველ რაუნდში იტალიელ სტეფანო ტრავალიას აჯობა (7:6; 6:4), დღეს კი ამერიკელ პატრიკ კიპსონს ურთულესი 3-სეტიანი მატჩი მოუგო.
ჩოგბურთელებმა საწყისი 34 გეიმი ისე ითამაშეს, ბრეიკი არ გაუკეთებიათ, 35-ე გეიმში კი ნიკამ მეტოქის მოწოდება მოიგო და შემდეგ მატჩზე წარმატებით ჩააწოდა - 6:7; 7:6; 6:4.
ბასილაშვილი, რომელიც ამჟამად ATP-ის რეიტინგის 120-ე ნომერია, მადრიდის მასტერსის ძირითად ბადეში 2022 წლის შემდეგ პირველად იასპარეზებს. მისი მეტოქე ავსტრიელი სებასტიან ოფნერი იქნება - მსოფლიოს 83-ე ჩოგანია.
