შვეიცარიის ნაკრების მცველმა, მანუელ აკანჯიმ მსოფლიო ჩემპიონატის 1/4 ფინალში არგენტინასთან მარცხის (1:3) შემდეგ მსაჯის მუშაობა მკაცრად გააკრიტიკა.
ვეიცარიელები მატჩის 72-ე წუთიდან ათი კაცით თამაშობდნენ, მას შემდეგ რაც ჟოაუ პინეირუმ ბრელ ემბოლო სიმულაციისთვის მოედნიდან გააძევა.
„მატჩი რომ დასრულდა, უბრალოდ იმაზე გავიფიქრე, თუ როგორ წარმოუდგენლად ვამაყობ ამ გუნდით. არგენტინას ღია თამაშში პრაქტიკულად არანაირი შანსი არ ჰქონია. სამწუხაროდ, მესმის, რომ ხულიან ალვარესის გოლი შემთხვევითობა არ ყოფილა.
როგორც წესი, მსაჯებზე არასდროს ვჩივი, მაგრამ დღეს ყველაფერი მათ სასარგებლოდ წყდებოდა. ასეთ ცალმხრივ მატჩში ცხოვრებაში არასდროს მითამაშია. ისინი არცერთი სიმულაციისთვის არ დაუსჯიათ, პირველ 90 წუთში არცერთი ყვითელი ბარათი არ მიუღიათ. შემდეგ კი ბრელის ეპიზოდი, სადაც ყვითელი უჩვენეს.
თუმცა, ათი კაცითაც კი ყველაფერი გავაკეთეთ, რაც შეგვეძლო. რა თქმა უნდა, ბრელი ჩვენი გუნდის უმნიშვნელოვანესი წევრია და ჩვენ მას გვერდში ვუდგავართ“, - განაცხადა აკანჯიმ.
