ბერძნულმა პაოკ-მა ლუკა გუგეშაშვილი გაანათხოვრა, რათა მეტი სათამაშო პრაქტიკა ჰქონდეს.
პაოკ-ის ოფიციალური განცხადების თანახმად, ქართველი მეკარე სეზონის ბოლომდე სუპერ ლიგისვე კლუბ ატრომიტოსში მშრალი საიჯარო წესით ითამაშებს.
26 წლის გუგეშაშვილი პაოკ-მა გასულ ზაფხულს, პანსერაიკოსიდან შეიძინა და მის ტრანსფერში 1 მლნ ევრო გადაიხადა. მას შემდეგ ლუკამ მხოლოდ 1 მატჩი ჩაატარა - სექტემბერში, საბერძნეთის თასზე, ლევადიაკოსთან.
საიჯარო ხელშეკრულებაში ჩადებულია პუნქტი, რომ ლუკას ახალ კლუბში სათამაშო პრაქტიკა უნდა ჰქონდეს.
საბერძნეთის სუპერ ლიგის 19 ტურის შემდეგ, ატრომიტოსს 17 ქულა აქვს, მე-11 ადგილზე იმყოფება და დიდი შანსია, ლიგაში დასარჩენ ჯგუფში თამაში მოუწიოს.
