VIDEO: მაკრატელათი შეაგდო - იეგოიანმა ბრედას ულამაზესი გოლი გაუტანა

საქართველოს 21-წლამდელთა ნაკრების ნახევარმცველმა, ირაკლი იეგოიანმა ნიდერლანდების ერედივიზიეს 22-ე ტურში ბრედას ლამაზი გოლი გაუტანა. მისმა ექსელსიორმა სტუმრად 2:0 მოიგო.

ბრედა მე-12 წუთიდან 10 კაცით თამაშობდა, ექსელსიორმა კი ორივე გოლი პირველსავე ტაიმში შეაგდო. 31-ე წუთზე, დე რიხტის პასის შემდეგ, იეგოიანმა ბურთი კარში მაკრატელა დარტყმით გადაგზავნა და ეფექტური გოლი შექმნა.

21 წლის ქართველი ნახევარმცველისთვის მიმდინარე ჩემპიონატში მე-6 საგოლე მოქმედებაა - 4 გოლი და 2 ასისტი. განსაკუთრებულად დეკემბრის მეორე ნახევრიდან მოუმატა და ბოლო 7 ტურში მე-3 გოლი მიითვალა.

ირაკლიმ გასული სეზონის არნემის ვიტესში, რანგით მე-2 ლიგაში გაატარა და 36 შეხვედრაში 13 გოლი შექმნა - 8 გოლი და 5 ასისტი.

ზედიზედ 4 ფრის შემდეგ, ექსელსიორმა გამარჯვების მოპოვება შეძლო და 20 დეკემბრის შემდეგ პირველად მოიგო. შედეგად, 26 ქულა მოაგროვა, ცხრილის მე-10 ადგილზე აინაცვლა და კონფერენს ლიგის საპლეიოფო ზონას 5 ქულით ჩამორჩება - კონკურენტებს ჯერ ამ ტურში არ უთამაშიათ.

როტერდამული გუნდი მომდევნო ტურში, 14 თებერვალს, მე-6 ადგილოსან ალკმაარს უმასპინძლებს.