ახალი კონტრაქტით ნიკოს გამოსასყიდი თანხა გაირკვა

ცნობილი გახდა ნიკო უილიამსის ბილბაოდან გამოსასყიდი თანხა ახალი კონტრაქტის მიხედვით.

აქამდე, ესპანეთის ნაკრების 22 წლის შემტევის შეძენა 58 მილიონ ევროდ იყო შესაძლებელი.

ფაბრიციო რომანოს ინფორმაციით, ახალი კონტრაქტით, რომელიც ნიკომ გუშინ, 4 ივლისს, 2035 წლამდე გააფორმა, მისი გამოსასყიდი თანხა გაიზრდება და 100 მილიონი ევრო გახდება.

ეს გამოსასყიდი 2026 წლიდან იქნება აქტიური. ნებისმიერ მსურველს შეუძლია ბილბაოს ეს თანხა გადაუხადოს და კლუბის თანხმობის საჭიროების გარეშე წაიყვანოს ფეხბურთელი თავისთან.

ბოლო ორი ზაფხულია უილიამსის შეძენაზე აქტიურად მუშაობდა კატალონიის ბარსელონა, რომელმაც გუშინ სოციალური ქსელებიდან შეიტყო, რომ ფეხბურთელმა ბილბაოში დარჩენა გადაწყვიტა.