UFC-ის ვარსკვლავის, ალექს პერეირას და, ალინე პერეირა ორგანიზაციასთან კონტრაქტის გაფორმებასთან ძალიან ახლოსაა.
გავრცელებული ინფორმაციით, 35 წლის ბრაზილიელი მებრძოლი 13 ოქტომბერს დანა უაითის Contender Series-ში მიიღებს მონაწილეობას.
ალინემ ცოტა ხნის წინ MVP MMA-ზე მნიშვნელოვანი გამარჯვება მოიპოვა, რითაც მისი პროფესიონალური რეკორდი 3 მოგებამდე და 2 მარცხამდე გაუმჯობესდა. მიუხედავად მისი ასაკისა და მოკრძალებული სტატისტიკისა, ექსპერტები მიიჩნევენ, რომ ძმის დიდმა გავლენამ ორგანიზაციაში ამ შანსის მიღებაში მნიშვნელოვანი როლი ითამაშა.
მისი მეტოქე საკმაოდ საშიში და პერსპექტიული, 21 წლის შვედი სმილა სუნდელი იქნება. სუნდელი ONE Championship-ის ისტორიაში მუაი ტაის ყველაზე ახალგაზრდა ჩემპიონია, რომელმაც შერეულ ორთაბრძოლებში (MMA) გადასვლის შემდეგ უკვე ზედიზედ ორი დაპირისპირება ტექნიკური ნოკაუტით მოიგო. შეხვედრა სტილისტურად საკმაოდ საინტერესო იქნება, რადგან ორივე მებრძოლი დგომში ბრძოლას ანიჭებს უპირატესობას.
