კარლო ანჩელოტის ბრაზილიის ნაკრების სათავეში 2030 წლამდე დარჩენა სურს.
66 წლის სპეციალისტი საქმიანობას ამა წლის ივნისიდან შეუდგა, მისი კონტრაქტი 2026 წლის მუნდიალის ბოლომდეა გაფორმებული.
„ბრაზილიის ნაკრების მწვრთნელობა 2023 წლიდან მინდოდა. მსოფლიო ჩემპიონატისთვის გუნდის მომზადება - რაღაც განსაკუთრებულია. ერთწლიანი კონტრაქტი გავაფორმე და ვფიქრობ, იმ მომენტში ეს სწორი გადაწყვეტილება იყო. მსოფლიო ჩემპიონატის შემდეგ, ვალდებულებებისგან ყველა თავისუფალი იქნება.
თუმცა, არანაირი კითხვა არ გამიჩნდება, თუ ფედერაცია თანამშრომლობის გაგრძელებას მოინდომებს. აქ მეც ბედნიერი ვარ და ჩემი ოჯახიც.
ბრაზილიის ნაკრებში მუშაობის გაგრძელების წინააღმდეგი არ ვარ. 2030 წლამდე აქ დარჩენა მაგარი იქნებოდა." - აღნიშნა იტალიელმა სპეციალისტმა.
