მადრიდის რეალის მთავარმა მწვრთნელმა, კარლო ანჩელოტიმ, ისაუბრა იმ თემაზე, თუ ვინ არის გუნდში პენალტების მთავარი შემსრულებელი.
29 აგვიტოს ლას პალმასთან მოპოვებული პენალტი ვინისიუს ჯუნიორმა შეასრულა და ანგარიში გაათანაბრა.
„პენალტების ძირითადი შემსრულებელი ვინისიუსია? ამის გადაწყვეტის უფლება ფეხბურთელებს მივანდე.
მბაპეც და ვინიც თერთმეტმეტრიანებს თანაბრად კარგად ასრულებენ, ამიტომ მივეცი უფლება, რომ მოედანზე თავად გადაწყვიტონ, რომელი შეასრულებს პენალტს. არის მომენტები, როცა ერთ ფეხბურთელს მეორეზე მეტად სჭირდება გოლი და სწორედ ამიტომ, მათ აქვთ უფლება დამრტყმელი თავად გადაწყვიტონ.
მთავარი ის არის, რომ მე ორივე ფეხბურთელს ვენდობი და ამაში პრობლემას ვერ ვხედავ.“ - აღნიშნა იტალიელმა სპეციალისტმა.
