ანრი შესაძლოა ბელგიის ნაკრებში დაინიშნოს

ტიერი ანრიმ ბელგიის ნაკრების მწვრთნელის თანამდებობაზე შესაძლოა დომენიკო ტედესო შეცვალოს.

LN24-ს ჟურნალისტის, საშა ტავოლიერის ინფორმაციით, 47 წლის ფრანგი სპეციალისტი ამ თანამდებობაზე დანიშვნის ფავორიტად მოიაზრება.

ანრის სასარგებლოდ მოქმედებს ის ფაქტი, რომ მას გუნდის ლიდერებთან - რომელუ ლუკაკუსთან და კევინ დე ბრუინთან კარგი ურთიერთობა აქვს.

ბელგიის სამეფო ფეხბურთის ფედერაცია ასევე განიხილავს ერიკ ტენ ჰაგის და მარკ ვან ბომელის ვარიანტებსაც. საბოლოო გადაწყვეტილება თვის ბოლოსკენ უნდა იქნეს მიღებული.

ტედესკო ბელგიის ნაკრებს 2023 წლის თებერვლდიან წვრთნის, ბოლო 8 მატჩში ნაკრებმა მხოლოდ ერთი გამარჯვება მოიპოვა, ევრო 2024-ზე 1/8 ფინალიდან გამოვარდა, ერთა ლიგის ჯგუფში კი მე-3 ადგილი დაიკავა.

ანრი ბელგიის ნაკრებში მწვრთნელის ასისტენტად 2016-2018 წლებში და 2021-2022 წლებში მუშაობდა. მისი უკანასკნელი სამუშაო ადგილი საფრანგეთის ოლიმპიური ნაკრები იყო.