რაჯა ნაინგოლანმა ბელგიის ნაკრების ყოფილი თავკაცი გააკრიტიკა.
მარტინესი ბელგიას 2016-2022 წლებში ედგა სათავეში, ახლა კი პორტუგალიის ნაკრებს წვრთნის.
„ჩემი მონაცემების გათვალისწინებით, საკმარისი ვერ გავაკეთე. ეს მეც ვიცი, გულწრფელიც ვარ, მაგრამ მხოლოდ ჩემს გამო არ მომხდარა.
მარკ ვილმოტსი ევრო 2016-ზე არ მათამაშებდა, არადა ერთ-ერთი საუკეთესო ვიყავი. შემდეგ მარტინესმა ყველანაირი მიზეზის გარეშე დამტოვა თამაშგარეში. ჩემზე რაღაც უაზრობებს ფიქრობდა და ასკვნიდა. ჩემი აზრით, ის ცუდი მწვრთნელია და ფეხბურთში საერთოდ ვერ ერკვევა.
ნებისმიერი, ვინც მას კარგ მწვრთნელს უწოდებს, ასევე ვერ ერკვევა ფეხბურთში. კარგი მწვრთნელი გუნდს იდეას აძლევს. მარტინესთან ერთად კი, ბელგიას იდეა არასდროს არ ჰქონია. ყოველთვის, როცა პრობლემები გვიჩნდებოდა, მათ დე ბრუინის, აზარის ან ლუკაკუს ინდივიდუალურობის ხარჯზე ვაგვარებდით. ერთიანი სტილი არასდროს არ გვქონია და ეს სრული სიმართლეა.
მარტინესმა პრესასთან საერთო ენა ვერ გამონახა. თვითკრიტიკული უნდა იყო, რაც ის არასდროს არ ყოფილა. დე ბრუინი თავისი სურვილის საწინააღმდეგოდ შეტევის მარჯვენა ფლნაგზე დააყენა. არ ვიცი, საერთოდ განიხილავდა თუ არა ის ამ საკითხებს ფეხბურთელებთან. ბუნებრივია, მე გვერდით არასდროს არ გავუყვანივარ, იმიტომ რომ არაფერში არ ვჭირდებოდა.
მართლა მგონია, რომ იმ ბელგიას ტიტულები უნდა მოეგო და მოიგებდა კიდეც, ერთხელ მაინც ფული რომ კარგ მწვრთნელში ჩაედო." - აღნიშნა რაჯამ.
