ანტონი: "სატრანსფერო ფანჯრის ბოლო დღეს კომპანიმ პირადად დამირეკა"

ანტონიმ გაამხილა, რომ ზაფხულის სატრანსფერო ფანჯრის ბოლო საათებში ვინსენ კომპანიმ პირადად დაურეკა, რათა ის ბაიერნში გადასვლაში დაერწმუნებინა.

„სატრანსფერო ფანჯარა შემდეგ დღეს იხურებოდა. ეს იყო ბოლო დღე, როცა ბეტისთან მოლაპარაკებებს ვაწარმოებდით და სწორედ მაშინ შემოვიდა ბაიერნის ზარი.

ახლა 100%-ით გეტყვით, რომ ამან ნამდვილად დამაფიქრა. ვსაუბრობთ გიგანტ კლუბზე, მიუნხენის ბაიერნზე და მწვრთნელმა კომპანიმ, თავისი შთამბეჭდავი გამოცდილებით, პირადად დამირეკა.

ვისაუბრეთ, ის წარმოუდგენლად ზრდილობიანი იყო, მითხრა, რომ ყოველთვის დიდი გულშემატკივარი იყო ჩემი თამაშის და ეს დაახლოებით ღამის 11 საათზე იყო.

ბეტისთან ყველაფერი შეთანხმებული მქონდა, სიტყვა მივეცი მათ. ყველაფერი გადაწყვეტილი იყო, ამას ვერ გავუკეთებდი ვერც საკუთარ თავს და ვერც კლუბს.

გადაწყვეტილება დიდწილად ოჯახურიც იყო. ეს არის ადგილი, სადაც ძალიან ბედნიერად ვარ, სადაც ყველას მხარდაჭერას ვგრძნობ.“ - განაცხადა ბრაზილიელმა.