ფრანჩესკო ტოტიმ გაოცება გამოთქვა იმ ფაქტით, რომ რომამ ევროპა ლიგაზე მიჯრით სამი პენალტი ვერ გაიტანა.
მსგავსი ფაქტი ლილთან მატჩში დაფიქსირდა, როცა გუნდს ერთი პენალტის სამჯერ შესრულების უფლება მისცეს, თუმცა ფეხბურთელებმა ვერცერთხელ ვერ აჯობეს ფრანგული გუნდის მეკარეს.
VIDEO: სრული სიგიჯე რომა - ლილის მატჩში - მეკარემ ერთი პენალტი სამჯერ მოიგერია
ტოტიმ მეგობარს ხმოვანი შეტყობინება გაუგზავნა, რომელიც ქსელში მოხვდა.
„კარგით, ეს ხომ ხუმრობაა?! ნუ მეხუმრებით. არადა, მე მაკრიტიკებდნენ - მარტო პენალტებს იტანსო, ეს ხომ ასეთი ადვილია...
მსგავსი რაღაც ფეხბურთის ისტორიას არ ახსოვს - სამი პენალტი ზედიზედ. ასეთი რაღაც მარტო რომას შეიძლება დაემართოს, დაუჯერებელია." - ამბობს ტოტი შეტყობინებაში.
