ლონდონის არსენალმა ინგლისის სუპერთასზე მანჩესტერ სიტი დამაჯერებლად, ანგარიშით 3:0 დაამარცხა.
რიკარდო კალაფიორის, კაი ჰავერცისა და მარტინ ოდეგორის გოლებმა მეთოფეებს ისტორიაში მე-18 სუპერთასი მოუტანა.
მატჩის შემდეგ მიკელ არტეტამ საკუთარი გუნდის თამაშით აღფრთოვანება ვერ დამალა, თუმცა აღნიშნა, რომ დაფიქსირებულმა შედეგმა თავადაც გააკვირვა.
ბიჭებს ვუთხარი, რომ მათი თამაშის ყურებით უდიდესი სიამოვნება მივიღე. თუმცა, შედეგით ცოტა გაკვირვებული ვარ, რადგან პრესეზონზე ჯერ კიდევ ბევრი რამ გვქონდა გამოსაცდელი და ასეთი დამაჯერებელი თამაში მართლაც შთამბეჭდავია
არტეტამ განსაკუთრებით შეაქო ახალწვეული კრისტოს ცოლისი. მწვრთნელის თქმით, ახალგაზრდა ფეხბურთელი ძალიან გონიერია და მაშინ, როცა სხვები ჩქარობენ და ცდებიან, ის ურთულეს სიტუაციებში სწორ გადაწყვეტილებებს იღებს. სწორედ მისი ასეთი ქმედებები დაეხმარა არსენალს ორი გოლის შექმნაში.
ბრწყინვალე ტრიუმფის მიუხედავად, არსენალის მწვრთნელს გული ერთ ფაქტზე დასწყდა. გაბრიელ მარტინელისა და გაბრიელ ჟესუსის განაცხადს მიღმა დატოვების გამო, მან იმედგაცრუება ღიად გამოხატა. არტეტას თქმით, ის პრემიერლიგისგან განაცხადში მოთამაშეთა რაოდენობის გაზრდას ითხოვდა და წუხს, რომ ამ წესის გამო ფეხბურთელები, რომლებიც გუნდთან ყოფნას იმსახურებდნენ, თამაშის მიღმა დარჩნენ.
