ოსიმენის პასუხი არსენალს - შედგება ეს ტრანსფერი?

არსენალს შეტევითი ხაზის გაძლიერება სურს და ამჯერად კლუბის რადარზე ვიქტორ ოსიმენი მოხვდა.

მიუხედავად იმისა, რომ თავად ნიგერიელმა თავდამსხმელმა პრემიერ ლიგაში შესაძლო გადასვლასთან დაკავშირებით კარი ღიად დატოვა, არსენალი უდიდესი გამოწვევის წინაშე დგას.

გალათასარაის პრეზიდენტმა კატეგორიული პოზიცია დაიკავა. მან კლუბის ხელმძღვანელობას მკაფიოდ განუცხადა, რომ ნებისმიერ შეთავაზებაზე უარს იტყვის და ოსიმენს არცერთ ფასად არ გაყიდის. ამის დასტურად, გალათასარაიმ ზაფხულში უკვე უარყო ალ-ჰილალის 111-მილიონიანი შეთავაზებაც კი.

თავად ოსიმენმა, რომელმაც კლუბის მაისურით სეზონის პირველივე ოფიციალურ მატჩი დუბლი გაიტანა, ჟურნალისტებთან საუბრისას ხაზგასმით აღნიშნა:

სატრანსფერო პერიოდში ყოველთვის ბევრი ხმაურია. ახლა სრულად ჩემს საქმეზე ვარ ფოკუსირებული, დანარჩენს კი დრო გვაჩვენებს.