"არცერთ სხვა ქვეყანაში ბარსელონას უმაღლეს დივიზიონში არავინ ათამაშებდა", - ული ჰიონესი

ბაიერნის საპატიო პრეზიდენტმა, ული ჰიონესმა, ბარსელონას ფინანსურ მდგომარეობაზე კრიტიკულად ისაუბრა.

„ის, რომ მათი ვალი 1.3 მილიარდ ევროს აღემატება, აბსურდული და მიუღებელია. ნებისმიერ ქვეყანაში მსგავსი დავალიანებით უმაღლეს დივიზიონშიც კი არ ათამაშებდნენ, აქ კი არაფერი არ ხდება.

ბარსელონას მართვის მოდელი არ არის ისეთი, რასაც ადამიანი საკუთარი კლუბისთვის ისურვებდა. სრულიად საპირისპირო სიტუაციაა ბაიერნში - ჩვენი ეკონომიკური მდგომარეობით სხვა ევროპული კლუბებისთვის მაგალითი უნდა ვიყოთ.

საიმედო მენეჯმენტით და ეკონომიკის დამსახურებით, სპორტული წარმატებები აღარ არის დამოკიდებული ბუღალტრის მანევრებზე.

გერმანიაში ლიცენზირების მკაცრი წესები და აუდიტების მხრიდან ზეწოლა აუცილებლად ზიანს მიაყენებდა კლუბს, რომლის დავალიანებაც 1.3 მილიარდ ევროს შეადგენს." - აღნიშნა ჰიონესმა.