"ასეთი მსაჯობა გაუმართლებელია, პენალტი იყო" - რა თქვა დემჩენკომ
21 ივლ, 2026 · 0 წთ წასაკითხად
-
Aa
+
ფონტის ზომა
ჩემპიონთა ლიგის მე-2 საკვალიფიკაციო ეტაპის პირველ მატჩში, სლოვან ბრატისლავასთან 0:2 საშინაო მარცხის შემდეგ, იბერიას მთავარმა მწვრთნელმა, ანდრი დემჩენკომ პრესკონფერენციაზე შეფასებები გააკეთა.
"ერთი გოლიც რომ გაგვეტანა, სულ სხვანაირი სცენარი იქნებოდა და საპასუხო თამაშსაც სხვაგვარი მოცემულობით შევხვდებოდით. ასეთ დონეზე, მსგავსი მსაჯობა არ შეიძლება და გაუმართლებელია.
ჩემს ფეხბურთელს ვესაუბრე და მითხრა, რომ მოარტყეს და აშკარა პენალტი იყო. თუ ეს ასეა, ძალიან სამწუხაროა, რომ ჩემპიონთა ლიგის მატჩში მსაჯები ასეთ შეცდომებს უშვებენ.
რაც შეეხება სლოვანის პირველ გოლს, ის უნდა გაუქმებულიყო, რადგან მეკარეს ბლოკავდნენ. მეორე გოლი ჩვენი ბრალი იყო, შეცდომა დავუშვით და დავისაჯეთ.
კიდევ ერთ მომენტს გაგახსენებთ, როცა არბიტრმა არასწორი პოზიცია შეარჩია და ჩაგვიშალა კომბინაცია, რომელზეც ერთი კვირის განმავლობაში ვმუშაობდით", - განაცხადა დემჩენკომ.
თბილისში 0:2 მარცხის შემდეგ, იბერია 1999 სლოვანს უკვე ბრატისლავაში, 29 ივლისს შეხვდება.
