იტალიის სერია ა-ში გამართული მატჩის დროს, ნაპოლის მთავარი მწვრთნელი ანტონიო კონტე და ინტერის კაპიტანი ლაუტარო მარტინესი ერთმანეთს დაუპირისპირდნენ.
დენზელ დუმფრისზე დაფიქსირებული ჯარიმის შემდეგ, კონტემ მოთამაშეს უთხრა, წამომდგარიყო, რამაც გუნდების სათადარიგო სკამებთან დაძაბულობა გამოიწვია. ლაუტარო ყოფილ მწვრთნელს დაუპირისპირდა, უხეში ჟესტი უჩვენა და “cagón” (მშიშარა) უწოდა.
ლაუტარო მარტინესმა კონტეს დაუყვირა: „გეშინია, ჰო? შიშისგან შარვალი გესვრება!“
კონტემ არგენტინელს მძაფრი რეაქციით უპასუხა: „მიდი და გოლი გაიტანე! გაიტანე! გაიტანე, ნაგავო!“
მატჩის შემდეგ იტალიელმა სპეციალისტმა ამ მომენტზე კომენტარი გააკეთა.
„ასეთ თამაშებში ასეთი რაღაცები შეიძლება მოხდეს. მინდა გავიხსენო ჩემი ორი წელი ინტერში, სადაც 10 წლის შემდეგ კლუბი სკუდეტოს გამარჯვებამდე მივიყვანე და 9-წლიანი სერია იუვენტუსს ავართვი და ძალიან კარგად იცით, იუვენტუსი ჩემთვის რას ნიშნავს. ამ გამოცდილებიდან მხოლოდ საუკეთესო მოგონებები მაქვს.
ლაუტარო შესანიშნავი მოთამაშეა, მაგრამ ადამიანური თვალსაზრისით შეიძლება კარგად ვერ შევიცანი. ვუსურვებ მას ყველაფერს საუკეთესოს, მხოლოდ ამას ვიტყვი.“
VIDEO: ნაპოლიმ ტურის ცენტრალურ მატჩში ინტერი დაამარცხა და ცხრილში გალიდერდა
