ასპილიკუეტამ კარიერის დასრულების შესახებ გამოაცხადა

სევილიას მცველმა, სეზარ ასპილიკუეტამ გამოაცხადა, რომ ეს სეზონი მის პროფესიონალურ კარიერაში ბოლო იქნება.

ესპანელმა კარიერა ოსასუნაში დაიწყო, რის შემდეგაც მარსელში, ჩელსისა და ატლეტიკოში თამაშობდა. მისი ბოლო კლუბი კი სევილია გახდა.

მისი კარიერის მთავარი მონაკვეთი ჩელსიში გატარებულ 11 წელს უკავშირდება, სადაც 500-ზე მეტი მატჩი ჩაატარა და 9 ტიტული მოიგო — მათ შორის ჩემპიონთა ლიგა, პრემიერ ლიგის ორი ოქრო, ევროპა ლიგა, უეფას სუპერთასი და მსოფლიო საკლუბო ჩემპიონატი.

ასპილიკუეტამ ასევე 44 მატჩი ჩაატარა ესპანეთის ეროვნულ ნაკრებში.

როდესაც ბავშვობაში, პამპლონაში, სკოლის მეგობრებთან ერთად ბურთს პირველად დავარტყი, ვერც კი წარმოვიდგენდი, თუ რა საოცარი მოგზაურობა მელოდა წინ. მადლობელი ვარ ყოველი მომენტისთვის: გამარჯვებებისთვის, მძიმე მარცხებისთვის, გამოწვევებისთვის და, რაც მთავარია, იმ ადამიანებისთვის, რომლებსაც შევხვდი და იმ მეგობრობისთვის, რომელიც ამ გზაზე შევიძინე.