"ათი წუთი გორაობდა და თამაში განახლდა თუ არა, ისევ წამოწვა", - ბაიერნის ფეხბურთელს აკრიტიკებენ

უნიონ ბერლინის კაპიტანმა რენი ხედირამ თასის 1/8 ფინალში ბაიერნთან 2:3 მარცხის შემდეგ, მიუნხენელებს დროის გაწელვაში დასდო ბრალი.

„როცა ასეთი მეტოქის წინააღმდეგ თამაშობ და ის 45-ე წუთიდან დროის გაწელვას იწყებს - ეს აჩვენებს, რა პატივისცემით მოგვიდგნენ ისინი.

კი, ისინი დროს ზუსტად 45-ე წუთიდან წელავდნენ. ალექსანდარ პავლოვიჩი, ცალსახაა რომ ტრავმირებულია და მას დროულ გამოჯანმრთელებას ვუსურვებ. თუმცა, ის მინდორზე ორი წუთი იწვა.

შემდეგ თამაში განახლდა და ის კვლავ გაზონზე წამოწვა. ასე ცდილობდა ის ცვლილებამდე დროის გაწელვას. რაც არასამართლიანი თამაშია.

თუმცა, ამ ცალკეულად ამ ბიჭს არაფერში ვადანაშაულებ. იმედია, ის მალე მომჯობინდება." - აღნიშნა ხედირამ.

ალექსანდარ პავლოვიჩი ამ მატჩის 49-ე წუთზე შესაცვლელი გახდა, მის ნაცვლად მოედანზე ლეონ გორეცკა გამოჩნდა.