აზიის თასზე 1/4 ფინალური ეტაპი დასრულდა და ტურნირის 4 საუკეთესო გუნდი დაწყვილდა.
გუშინ იორდანიამ ტაჯიკეთი, ხოლო სამხრეთ კორეამ ავსტრალია დაამარცხა და შესაბამისად ეს გუნდები ერთი ფინალისტის ვინაობას ერთმანეთში გაარკვევენ.
დღეს კი ირანმა იაპონიას სძლია 2-1, ხოლო მასპინძელმა კატარმა უზბეკეთს აჯობა პენალტების სერიაში.
ასე რომ ფინალისტები ამ წყვილებში გაირკვევა:
იორდანია - სამხრეთ კორეა
ირანი - კატარი
1/2 ფინალური მატჩები 6 და 7 თებერვალს გაიმართება, ჩემპიონი კი 10 თებერვალს გამოვლინდება.
ტურნირის ბომბარდირი ამ ეტაპისთვის ერაყელი აიმენ ჰუსეინია 6 გოლით.
