ბაიერნი ზედიზედ მესამედ დამარცხდა

ბუნდესლიგის 22-ე ტურში მიუნხენის ბაიერნი ბოხუმს ესტუმრა და 3-2 დამარცხდა.

 

მატჩში ანგარიში მე-14 წუთზე ჯამალ მუსიალამ გახსნა, ტაიმის მიწურულს კი მასპინძლებმა თამაშის მობრუნება შეძლეს. 38-ე წუთზე ტაკუმა ასანომ და 44-ე წუთზე კევენ შლოტერბეკმა გაიტანეს გოლები.

 

შეხვედრის მეორე ნახევარში კაცნაკლული დარჩა ბაიერნი. 78-ე წუთზე მე-2 ყვითელი ბარათი დაიო უპამეკანომ მიიღო და მოედნის დატოვება მოუწია, ამასთან მიუნხენელებმა საკუთარ კარში პენალტი მიიღეს, რომელიც კევინ შტოგერმა ზუსტად შეასრულა და ანგარიში 3-1 გახადა. აღსანიშნავია, რომ ფრანგი მცველი უკვე ზედიზედ მე-2 მატჩში გააძევეს (ლაციოსთან ჩემპიონთა ლიგაზე).

 

87-ე წუთზე ჰარი კეინმა რეკორდმაისტერის თამაშში დაბრუნება სცადა, თუმცა გუნდმა ქულის მოპოვება ვეღარ მოახერხა. ეს კი იმას ნიშნავს, რომ ტუხელის გუნდმა ზედიზედ მე-3 მატჩი წააგო (ლევერკუზენი, ლაციო), ბუნდესლიგის ლიდერ ბაიერთან კი უკვე 8-ქულიანი ჩამორჩენა აქვს.

 

მომდევნო ტურში ბაიერნი ლაიფციგს უმასპინძლებს.