ბაიერნმა უპამეკანოს დედლაინი დაუწესა — რა არ მოსწონს ფრანგს?

ბაიერნი და დაიო უპამეკანო ახალი კონტრაქტის თაობაზე მოლაპარაკებებს აწარმოებენ.

დღეის მდგომარეობით, ივნისში 27 წლის ფრანგი ცენტრალური მცველი შესაძლოა თავისუფალი აგენტი გახდეს.

Bild-ის ინფორმაციით, დეკემბრის ბოლოს მიუნხენელებმა უპამეკანოს ოფიციალური შეთავაზება გაუგზავნეს, რომელზეც პასუხი მაქსიმუმ თებერვლის შუა რიცხვებამდე უნდა მიიღონ.

საერთო ჯამში ფეხბურთელი არსებული პირობებით კმაყოფილია და უთანხმოება მხოლოდ ფინანსურ დეტალებზე არსებობს. მთავარი საკითხი გამოსასყიდი თანხის პუნქტია. ბაიერნი სთავაზობს კონტრაქტში ჩაიწეროს 65 მილიონი ევროს ოდენობის გამოსასყიდი, რომლის გადახდაც 2027 წლის ზაფხულიდან გახდება შესაძლებელი.

კლუბი ასევე მზად არის ფეხბურთელს ხელშეკრულების გახანგრძლივებისთვის 20 მილიონი ევროს გადაუხადოს და გაუფორმოს 3-4 წლიანი კონტრაქტი, რომლის განმავლობაშიც მისი წლიური ანაზღაურება, სხვადასხვა ბონუსების ხარჯზე, 20 მილიონ ევრომდე გაიზრდება.