„ჩელსის ტრანსფერები იმედგაცრუებას იწვევს, ასე ლიგას ვერ მოვიგებთ", — კუკურელია

ჩელსის მცველმა, მარკ კუკურელიამ, ჩემპიონთა ლიგის 1/8 ფინალში პსჟ-სთან მარცხის (ჯამური ანგარიში 2:8) შემდეგ კლუბის განვითარების ვექტორზე ისაუბრა.

ესპანელი მიიჩნევს, რომ გუნდს გამოცდილება აკლია:

„გამოცდილება არ გვეყო. ბევრი ჩვენი მოთამაშე ამ დონეზე პირველად გამოვიდა და ამისთვის დავისაჯეთ. ცივი გონება რომ შეგვენარჩუნებინა, ლონდონში 2:3-ით დავბრუნდებოდით და განმეორებით შეხვედრაში ყველაფერი შეიძლებოდა მომხდარიყო.

გვესმის, რომ ეს კლუბის პოლიტიკაა — ახალგაზრდების გაფორმება და მომავალზე ზრუნვა. მაგრამ მათთვის, ვინც აქ ვართ და დიდი ტურნირების მოგება გვინდა, ასეთი მომენტები იმედგაცრუებას იწვევს.

კარგი ბირთვი გვყავს, საფუძველი ჩაყრილია, მაგრამ პრემიერ ლიგისა და ჩემპიონთა ლიგისთვის ბრძოლას მეტი სჭირდება. მხოლოდ ახალგაზრდების დამატებამ შესაძლოა მიზნების მიღწევა გაართულოს. პსჟ-სთან დაგვაკლდა ისეთი მოთამაშეები, რომლებსაც მსგავსი სიტუაციები უკვე გამოვლილი აქვთ. საჭიროა ბალანსის პოვნა გამოცდილებასა და ახალგაზრდობას შორის.“