ბარსელონა რობერტ ლევანდოვსკის შემცვლელად ბაიერნის კიდევ ერთ ფორვარდს მოიაზრებს.
შეგახსენებთ, რომ ბარსამ 2022-ში პოლონელი სწორედ მიუნხენური გრანდიდან დაიმატა.
The Guardian-ის ინფორმაციით, კატალონიელებს ლევანდოვსკის იდეალურ შემცვლელად ჰარი კეინს მიიჩნევენ. რობერტს 2026 წლის ზაფხულში კლუბთან კონტრაქტი ეწურება, კეინის გამოსყიდვა კი სეზონის ბოლოს 64.5 მილიონ ევროდ იქნება შესაძლებელი.
როგორც ხსენებული გამოცემა წერს, ბარსა მზადაა კეინის სანაცვლოდ მისი გამოსასყიდი თანხა გადაიხადოს და ფეხბურთელი ბაიერნიდან გადაიბიროს.
მიმდინარე სეზონის 17 მატჩში 32 წლის ინგლისელმა 23 გოლი და 3 საგოლე გადაცემა მიითვალა.
აქამდე იწერებოდა, რომ კეინს ამ სეზონის შემდეგ ინგლისის პრემიერ ლიგაში სურს დაბრუნება.
