ბარსელონამ ბეტისი გაანადგურა და თასის 1/4 ფინალში მარტივად გავიდა

ესპანეთის თასის 1/8 ფინალში ბარსელონამ საკუთარ მოედანზე ბეტისი გაანადგურა.

მონტჟუიკზე გამართული შეხვედრა ფლიკის გუნდის გამარჯვებით 5:1 დასრულდა.

ბარსას რიგებში თავის გამოჩენა გავიმ, ჟულ კუნდემ, რაფინიამ, ფერან ტორესმა და ლამინ იამალმა მოახერხეს.

ამ გამარჯვებით ბარსელონა თასის 1/4 ფინალში გავიდა. მისი მომდევნო მეტოქის ვინაობა კი წილისყრის შედეგად გაირკვევა.