ბარსელონას ექს-ნახევარმცველმა, ილაიშ მორიბამ, კლუბიდან 2021 წელს წასვლას შეცდომა უწოდა.
ფეხბურთელმა ბარსასთან ახალ კონტრაქტზე ვერ მოილაპარაკა, რადგან კლუბის შემოთავაზებული პირობები არ მოეწონა. მაშინ ის ლაიფციგში გადავიდა, ახლა კი გერმანული კლუბის მიერ სელტაშია განათხოვრებული.
„ბარსადან წასვლით შეცდომა დავუშვი. ძალიან ახალგაზრდა ვიყავი და ჩემზე უდიდესი ზეწოლა მოდიოდა. წამიერად ვიფიქრე, რომ ყველაფერი დამთავრდა.
კარგია, რომ ახლა სელტაში ბედნიერი ვარ." - აღნიშნა 22 წლის ფეხბურთელმა.
გარდა ამისა, მორიბამ ისიც დაამატა, რომ ბარსა სამუდამოდ მის გულში იქნება, თუმცა კლუბში ყოფნისას, მას საკუთარ თავზე დაუმსახურებელი რაღაცები ესმოდა.
