რობერტ ლევანდოვსკის ბიოგრაფიის ავტორმა, სებასტიან სტაშევსკიმ, საინტერესო და სახალისო მომენტი გაიხსენა იმ პერიოდიდან, როცა პოლონელი ბარსაში ახალი გადასული იყო.
სტაშევსკი წერს, რომ ლევანდოვსკი ბარსელონას ბაიერნიდან 2022 წლის ზაფხულში პირდაპირ ფლორიდაში შეუერთდა, სადაც გუნდი ახალი სეზონისთვის ემზადებოდა.
თავისი პირველი სადილის დროს, ფეხბურთელი ძალიან გაკვირვებული დარჩა, რომ მენიუში არ იყო არც ხორცის და არც თევზის არანაირი არჩევანი.
მან შეფ-მზარეულს ამის მიზეზი ჰკითხა, რაზეც პასუხად მიიღო, რომ კლუბმა მენიუდან ხორცეულობა ფულის დაზოგვის მიზნით ამოიღო.
ლევანდოვსკი უკმაყოფილო არ ყოფილა, თუმცა ძალიან გაკვირვებული კი დარჩა. ავტორი ხაზს უსვამს, რომ რობერტი ძალიან დიდ ყურადღებას ანიჭებს საკვების და მარტივად ამჩნევს, როცა პროდუქტები დაბალი ხარისხის არის.
მას შემდეგ, ბარსელონამ მენიუში ხორციანი საკვები მალევე დააბრუნა.
