ბარსელონას ვარსკვლავმა, ლამინ იამალმა, ლა ლიგის 26-ე ტურში ვილიარეალთან მოპოვებული დამაჯერებელი გამარჯვების (4:1) შემდეგ ემოციები ვერ დამალა.
18 წლის ესპანელმა კარიერაში პირველი ჰეთ-თრიკი შეასრულა და მატჩის მთავარი გმირი გახდა.
„ეს ძალიან ძლიერი მეტოქეა, ამიტომ გოლებითა და გამარჯვებით ძალიან გახარებული ვარ. ერთი მაინც ხომ უნდა შევარდნილიყო! მთავარია სიმშვიდის შენარჩუნება: ბურთით გადაწყვეტილებას მე ვიღებ.
ხალხს უნდა, რომ 16 წლის ასაკში 100 გოლი გამეტანა — ნეტავ ასე ყოფილიყო, მაგრამ ეს ძალიან რთულია. ყველაფერი თანდათან მოდის: ერთი გოლი, ორი... გუნდის დახმარება ბედნიერს მხდის.
მთლიანობაში, თავს კარგად ვერ ვგრძნობდი — ეს სხვადასხვა ფაქტორების ერთობლიობა იყო. სეზონის დასაწყისში პუბალგიამაც [საზარდულის არეში კუნთების გადაძაბვით გამოწვეული ქრონიკული ტკივილი — ავტ] იმოქმედა. ფეხბურთის თამაშისას სიხარულს ვერ ვგრძნობდი და ეს შესამჩნევიც იყო... მაგრამ უკვე რამდენიმე კვირაა, თავს გაცილებით უკეთ ვგრძნობ. მოედანზე ღიმილის სურვილი დამიბრუნდა — ის, რაც დიდი ხანია არ მქონია. ძალიან ბედნიერი ვარ.
სათადარიგო სკამზე ტეკს (ვოიჩეხ შჩესნის) ვეუბნებოდი, რომ როგორც კი პედრი შემოვიდა, ყველაფერი მაშინვე შეიცვალა. ჩემი საუკეთესო ვერსია? არ ვიცი, ეს თქვენ განსაჯეთ! ფლიკთან შევთანხმდით, რომ თუ მესამე გოლს გავიტანდით, შემცვლიდა. ის გოლი მე გავიტანე და ყველაფერი დაემთხვა...“ — აღნიშნა ფეხბურთელმა.
