„ბარსელონაზე მეტად გვაცინებთ", - ატლეტიკოს ირონიული პასუხი რეალს

ატლეტიკომ რეალს სოციალურ ქსელში უპასუხა.

გუშინ რეალმა ოფიციალურ საიტზე გამოაქვეყნა განცხადება, რომ ატლეტიკოს ხულიან ალვარესის თაობაზე 150-მილიონიანი შეთავაზება გაუკეთა, რომელიც როხიბლანკომ შეისწავლა, განიხილა და უარის თქმა გადაწყვიტა.

ამის პასუხად, ატლეტიკომ სოციალურ ქსელში შემდეგი პოსტი გამოაქვეყნა:

ატლეტიკო მადრიდის ოფიციალური განცხადება ჩვენი მეზობლების, რეალ მადრიდის ოფიციალურ განცხადებასთან დაკავშირებით:

1. რომის პაპის ვიდეოდან ის ნაწილი ამოჭერით, სადაც ის ამბობდა, რომ ატლეტიკოს ფანიც იყო;

2. 
   

3. ალბათ ზრდილობა მადლიერებაში აგერიათ, მაგრამ მკაფიოდ რომ გითხრათ: ჩვენ თქვენი სამადლობელო არაფერში არ გვაქვს;

4. 
   

5. ჩვენ არც განვიხილავთ და არც ვსწავლობთ რაიმე სახის შეთავაზებას ხულიანთან დაკავშირებით;

6. 
   

7. აბა როგორ შეიძლება არ მოგვწონდეთ, როცა ბარსელონაზე მეტადაც კი გვაცინებთ?

P.S. თქვენს ახალ პრეზიდენტთან კარგი ურთიერთობით თუ ვისარგებლებთ, იქნებ ჩვენი აკადემიიდან ფეხბურთელების მოპარვასაც დაანებოთ თავი. დიდი მადლობა.“ - წერია კლუბის განცხადებაში.