ბეილი: „რეალში რონალდუ მიხვდა, რომ გოლებს მეტი აღიარება მოჰქონდა და თამაშის სტილი შეცვალა"

მადრიდის რეალისა და ტოტენჰემის ყოფილმა ვარსკვლავმა, გარეთ ბეილმა, თავისი ყოფილი თანაგუნდელის, კრიშტიანუ რონალდუს კარიერული ცვლილებები შეაფასა.

ბეილის თქმით, რონალდუმ დროთა განმავლობაში თამაშის სტილი პრაგმატულად შეცვალა:

ახალგაზრდობაში პრემიერ ლიგაში თამაშისას, რონალდუ ნამდვილად უფრო ვინგერი იყო, უფრო სახანაობრივი მოთამაშე. როცა რეალში გადავედი, შეგრძნება დამეუფლა, რომ მას ბომბარდირად ტრანსფორმაცია ჰქონდა დაწყებული. მადრიდში მან გააცნობიერა, რომ თუ მეტ გოლს გაიტანდა ნაკლები ძალისხმევით, უფრო მეტ აღიარებასა და ქებას მიიღებდა.

რეალში ის კვლავ მიდიოდა დრიბლინგზე, მაგრამ ასაკთან ერთად სულ უფრო მეტად იცვლებოდა. პირველი 2-3 სეზონი ალბათ ისევ მანჩესტერ იუნაიტედის დროინდელ კრიშტიანუს ჰგავდა, შემდეგ კი მოხდა გარდატეხა:

აღარ მჭირდება უკან ამდენი მუშაობა, ასე კონტრშეტევისას უკეთეს პოზიციაში ვიქნები.

ის საოცრად იყო ორიენტირებული გოლებზე როგორც ვარჯიშებზე, ისე თამაშებში. მას მხოლოდ გოლები სჭირდებოდა, სიტყვასიტყვით. საბოლოოდ, სწორედ ამიტომ აქვს მას ამდენი რეკორდი“, — განაცხადა ბეილმა.