ბელგიის ნაკრების მცველმა შესაძლოა ევრო გამოტოვოს

ტომა მენიემ ევრო 2024 შესაძლოა ტრავმის გამო გამოტოვოს.

ბელგიის ნაკრების პრესსამსახურის ცნობით, მენიემ კუნთი დაიზიანა და თავის დაზღვევის მიზნით გუნდს გერმანიაში არ გაჰყვა.

უახლოეს დღეებში, ტრაბზონსპორის ფეხბურთელს დამატებითი გამოკვლევა ჩაუტარდება, სადაც დადგინდება, რამდენად მძიმეა მისი დაზიანება და შეძლებს თუ არა ის ევროს დაწყებამდე მომჯობინებას.

ევრო 2024-ზე თავის პირველ მატჩს ბელგიის ნაკრები 17 ივნისს, სლოვაკეთის წინააღმდეგ გამართავს.