ბელგიის ნაკრებს ვან ბომელი გაწვრთნის

მარკ ვან ბომელი ბელგიის ეროვნული ნაკრების ახალი მთავარი მწვრთნელი გახდება.

რუდი გარსია აღნიშნულ თანამდებობას 2026 წლის მსოფლიო ჩემპიონატის 1/4-ფინალიდან გამოთიშვის შემდეგ ტოვებს.

ფედერაციამ ნიდერლანდებისა და ბაიერნის ყოფილ ნახევარმცველთან შეთანხმებას უკვე მიაღწია. მხარეებმა 2028 წლამდე გათვლილი კონტრაქტი შეათანხმეს და სამწვრთნელო შტაბის შემადგენლობაც განიხილეს.

აღინიშნება, რომ ვან ბომელი ცნობილია როგორც ძლიერი ტაქტიკოსი და მწვრთნელი, რომელსაც ადამიანებთან მუშაობა ეხერხება.

ამასთან, მის ნაკლოვანებად ფრანგული ენის არცოდნა ითვლება, თუმცა მარკი ენის შესწავლას გეგმავს, მითუმეტეს, რომ ის თავისუფლად ფლობს გერმანულ, ინგლისურ, იტალიურ და ესპანურ ენებს.

რაც შეეხება გამოცდილებას, ვან ბომელს მთავარ მწვრთნელად პსვ-ში, ვოლფსბურგის ქალთა გუნდში და როიალ ანტვერპში აქვს ნამუშევარი, თუმცა დიდი წარმატებისთვის არ მიუღწევია.