დე ბრუინესა და ლუკაკუს ბენეფისი

ბელგიის ნაკრების მთავარმა მწვრთნელმა, რუდი გარსიამ, ახალი ზელანდიის 5:1 განადგურებისა და ჯგუფში პირველი ადგილის დაკავების შემდეგ, გუნდის გამოცდილი ვარსკვლავები მწვავე კრიტიკისგან დაიცვა.

ტურნირის წინ კევინ დე ბრუინეს, რომელუ ლუკაკუსა და ლეანდროს ასაკსა და ფორმას ბევრი აკრიტიკებდა, რასაც გარსიამ „საზიზღრობა“ უწოდა.

„უბრალოდ ვერ ვიტან, როცა ჩემს ოთხ ლიდერს (დე ბრუინე, ლუკაკუ, ტროსარდი, კურტუა) 'ვეტერანებს' ეძახიან. ეს საზიზღრობა და საშინელებაა. თუ ქვეყანას ასეთი კალიბრის ფეხბურთელებისყოლის ბედნიერება გაქვს, მათ მხარი უნდა დაუჭირო. მათ კი პასუხი მოედანზე გასცეს: ლეანდრომ დუბლი შეასრულა, კევინს გოლი და ასისტი აქვს, რომელუმ კი გაიტანა. აი, რა შეუძლიათ ბელგიელ 'ბებრებს'!“ = ციტირებს მწვრთნელის სიტყვებს HLN.

გარსიამ აღნიშნა, რომ ეს კრიტიკა საფრანგეთშიც კი განიხილებოდა, თუმცა მას გუნდზე გავლენა არ მოუხდენია. მიუხედავად 5 გოლის გატანისა, ბელგიელთა დამრიგებელი ფრთხილობს და აცხადებს, რომ ჯერ არაფერი მოუგიათ, მსოფლიო ჩემპიონატი კი პლეი-ოფის ეტაპიდან იწყება. ბელგიის ნაკრები 1/16 ფინალის მატჩს 1 ივლისს, სიეტლში გამართავს.