ფიფა უეფას ორპირობაში ადანაშაულებს

ფიფამ უეფა ორპირობაში დაადანაშაულა მას შემდეგ, რაც მათ ფოლარინ ბალოგუნის დისკვალიფიკაციის გააუქმება გააკრიტიკეს.

ფიფას დისციპლინური კომიტეტის თავმჯდომარემ, მოჰამად ალ-კამალიმ განაცხადა, რომ წითელი ბარათების შედეგების გადახედვა უეფასთან აფილირებულ ლიგებში ჩვეულებრივი დისციპლინური პრაქტიკაა და ეს აქამდე არასოდეს მიიჩნეოდა წითელი ხაზის გადაკვეთად.

ფიფამ განმარტა, რომ ბალოგუნისთვის მსაჯის მიერ ნაჩვენები წითელი ბარათი არ გაუქმებულა. კომიტეტმა გამოიყენა დისციპლინური კოდექსის 27-ე მუხლი, რომელიც საშუალებას იძლევა, დისციპლინური ზომების აღსრულება საგამონაკლისო წესით, ერთი წლით, გამოსაცდელი ვადით შეჩერდეს.

ფიფას განცხადებით, დისციპლინური კომიტეტი მოქმედებს დამოუკიდებლად, ფიფას პრეზიდენტის, ჯანი ინფანტინოს ჩარევის გარეშე. ინფანტინომ აღნიშნა, რომ ის კომიტეტის გადაწყვეტილებებს მხოლოდ მათი გამოქვეყნების შემდეგ ეცნობა.

ბალოგუნის დისკვალიფიკაციის შეჩერება მოხდა აშშ-ის ხელისუფლების, მათ შორის დონალდ ტრამპის მხრიდან ფიფასთან აქტიური ლობირების შემდეგ, რამაც უეფას უკმაყოფილება გამოიწვია.

ბელგიის ნაკრები, რომელმაც აშშ დაამარცხა, უკმაყოფილოა ფიფას ამ ნაბიჯით და საკითხის სპორტული არბიტრაჟისთვის გადაცემას განიხილავს.